Xemgîn Remo
Li derve baran keziyê dargulan dişo
Gul bi hemî ciwaniyên xwe
Rûgeş dikenin
Dengê meşka dayikê û wîçewîça şalûran
Awaza bi hev diguhêzin
Li ser ristê du hechecûk
Yariyan bi hev dikin
Çavekî min li gula ye û yek li hechecûka ye
Giyanê min jî bi strana ( were têlî )
Bangî dilberê dike ….
Têliyê were em herin kaskahî yên zozana
Wargehê koçran li nav bêrî û şivanan
Têliyê vê sibehê ez xewnevanim
Li ser bazikê xewnerojan hildifirim
Û li bend û sînoran napirsim
Bêhna çiyan , çilpîna pezkoviyan
Dengê quling û qaza hişê min direvînin
Li nav buhiştê xwe dibînim
Di gola Wanê de melevanim
Li geliyê Elî beg nêçîrvanim
Û li gel karwanê evîndaran şervanim …
Têliyê min yek daxwaz tenê heye
Eger ku ez nezîvirim
Li wî cihê ku lê mirim
Li ber awazê bilûra şivanekî Serhedî
Min veşêre
Û li ser kêla ber serê min binivîse :
Ev gora dildarê çiya ye ….
Têliyê vê sibehê ez xewnevanim
Li ser bazikê xewnerojan hildifirim
Û li bend û sînoran napirsim
Bêhna çiyan , çilpîna pezkoviyan
Dengê quling û qaza hişê min direvînin
Li nav buhiştê xwe dibînim
Di gola Wanê de melevanim
Li geliyê Elî beg nêçîrvanim
Û li gel karwanê evîndaran şervanim …
Têliyê min yek daxwaz tenê heye
Eger ku ez nezîvirim
Li wî cihê ku lê mirim
Li ber awazê bilûra şivanekî Serhedî
Min veşêre
Û li ser kêla ber serê min binivîse :
Ev gora dildarê çiya ye ….
Şîrove (0)