HESTÊN BASKOKIRÎ

Şêrîn Saado –paris

Mîna zarokekî li ser şîr
Bihna dayika xwe
Bi zîzî
Di pelînim
Ta ku di hêlîna
Himbêza wê de
Binivim  …

Mîna  pelên

Pirtûkeke rizyayî
Li ber
Xapên bakî derewîn
Dilerizim belavdibim …
Nema dizanim
çilo perçên giyanê
Xwe bi hev xînim …
Ji ser şopa gavên
Xatirxwestinê
Nîgarên xwe
Bi civînim   …
Ezê çilo
Biskên hestên xwe
Ji nav tiliyên hestên te
Bikşînim
Ezê çilo wêneyên
Xeyalên xwe
Ji kevalên helbestên te
Derînim    …
Û çilo .. çilo
Ezê şemalên
wêneyên te
Di mihraba
çavên xwe de vemrînim …