Dilovanî Tu Yî


Gulistan Awaz
Ji du salan de!
Sibehên bê te
Her ku bi ser rêya hilhatinê dikevin
Pirsa tîrêjên çavên te
Tava dengê te dikin
                    Rê, şaş û winda dibe…
Cejn û şahiyên bê te
Her ku dikin canê me bixurînin
Li kêfxweşiya dilê te
Şekirpeyvên te dipirisin
                     Can, sar û sar dibe…
Anê!
Ku te zanîba!
Ji wê Çarşemê de
Bi hesreta peyva Anê
Liyan in stûyên rojan
Axînkêş in
Û hestên me
Di nava êşlepên biyaniyê
Li ber bahoza sarwelatan
Tiliyên dûriyê bi çi êşî dicûn…
Di valahiya ku te li pey xwe hîştiyî
Sal li pey salê
Demsal li pey demsalê
Keserên henasşewitî zîl didin..
Lê Anê!
Ku te zanî ba!
Ji wê rojê de
Mûmên rojbûna Zeynebê
Bi şahiyeke beravêtî
Girnijîneke ne ji dil
Bi lêvên cirifandî vedimirin
Û peyalên cejneke nîvçe
Di diltengiya kêliyên bê te de
                                    Vala dibin..
Li te digerin
   Li bîranînên te
      Xweşzimanê te
         Li wêneyên te vedigerin
            Di dil û şaneyan de zindî yî tu
Bihna te dipelînin
Destmala ku hîn jî, bihna porê te
Di nav de xewkirî ye
Fîstanê ku hîn jî, bihna canê te
Di nav de parastî ye
Mekin hembêz dikin
Kûûûr bihin dikin
                Aram nabe ev dil…
Carekê
Hewil didim
Bejna rojan
Bi cawê hêviyan perspan bikim
Bi meqesa demê
Cilên bikeser û derdgiran bibirim
Û pirî caran
Hewil didim
Devê birîna me xwîşk û birayan
Bi dilovaniya ku te bi dilekî germ
Di canê jiyana me de çandiye
Derman bikim.

11.05.2024

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî
Mirov hene, dema tûşî nexweşiyekê dibin,
pir kes û mirov bi wan diêşin, sedem jî ev in: an di nav civakê û di qada pê ve mijûl bi xeml û rewş dikin, an jî xwedan temen hindik û pichûk in û mirov dua dike, ku xwedê wan bi selamet bike. Mizgîn xweda evan herdû xesletan…

Konê Reş

Dr. Ehmed Nafiz Beg, yek bû ji wan têkoşer û welatparêzên kurd yên ku navê wan tucarî nayê jibîrkirin, bi taybetî di nav kurdên Cizîrê de. Ji ber ku ew ji yên pêşîn bû di warê dermankirina xelkê Cizîrê de.

Ew kurê welatparêzê kurd (Yusif Begê…

Pîrozbahî

Rêzdar Dr. Serbest Nebî

Me bi kêfxweşî nûçeya wergirtina we pileya professoriyê ji zanîngeha Koye bihîst.

Di demê ku pîrozbahiyên xwe yên germ pêşkêşî we dikin, hevdem hêvîdarin ku hûn serkeftî bin di kar û xebata xwe ya zanistî û çandî û siyasî de.

Em ji nêzîk nivîsîn…

Hozan Girkunde

‏Li ber dergehên, êvareke, bûharî

‏Min wêneya, xweşikbûna te

‏Bi teşîya, hestên xwe

‏Di guldana, dilê xwede, dihûnand!

‏Û beyara, jiyana xwe

‏Bi dêmên teyî, xunavî av dida

‏Li ber, lehiya, kenê te

‏Min girîyê” di giyanê xwe de

‏Vedimirand

‏Tûrê…