Hîn di rê de.

Mizgîn Hesko

*Ji bo bîranîna komkojiya Ermeniyan.

Wê gavê…
Perên pelatînkan
Di paşila mijê de!

Ji janê û ta destên janê
Mijê…
Tevnên bêdengiyê ristibûn…?!

Di nav mijankên pîrka min…

Rojeke veşartî…
Û di qermîçonkên rûyên azirandî de
Rêlistanên tî…!

Û çavên hêviyê
 Şînok…
Û vemirîbûn.

Hin di rê de
Di himêza dêwê de
Û di pêla mijê de Pelatînkan…
Bişirîna lêvên xwe
Gund û şarên wêran Erxewanên serveqetandî
Û neçar…
Xwe ji dest dabûn.

Pîrka min jî
Û hîn di rê de
Navê xwe ji xwe kir
Û di bin kevirekî de
Ew veşartî hêla…
Û bê nav
Bê per
Û bê bîrewerî ma…?!

25.04.2024