Kavilên tiracîdiya

Alan Hemo

Çav nema ew çavin
Dêm û dirûv li min dugherin
Dîsa dil bi te arame Perî
Dil derewan dikî
Lê têkçûn ku mejî bawer bikî
Têkçûyî me Perî
Têkçûyî….

Dû ku hez ji giyanê min birêket

Li şûn, rê û rism bikavilî li cî man
Herdem kavil tiracîdiyeke xwezayî diafirîne
Despêk û dumahî, bişkivandin û çinîna razberî diyar dide
Dîrok û pêşeroj, vejîn û tebata şînberan şirove dike
Wilo ez bikavilên hez kirinê zanyar dibim
Wek remlzanakî hestê xwe şirove dikim
Kengî bizar, kengî şad
Carnan berî hest bighên min ez dighêmê
Mirov lîstika hestan bizanîbe êdî balkêşî ji jiyanê re namîne
Miriyekî bihenase ê ku wate û çêjeya hestan hemoyan binase
Min gelekî hest bikar anîn ta min nehiştin
Nema mat dimînim
Nema dilerizim
Nema ta digrim
Mirî namirin