Xemgîn RemoBanga te
Li guhê min
Dengê berbangê ye
Dilê xewar ji sed xewnî
Dike hişyar …
Sofî yê lerzok
Bi lez û bez
Berî dide mizgefta evînê
Du çavên te quble-gahin
Û navê xwedakî ne diyar
Li ser enî ya te
Ez dixwînim
Lê her ku nêzîkî te dibim
Navbera me
Timî dîwar .. timî dîwar …
Banga te
Bêhna payîzê ye
Xwîna pezkovî yan
Di hinav min de har dike
Û ji ser û pa
Ez dibim pêyî yeke ar …
Du çavên te quble-gahin
Û navê xwedakî ne diyar
Li ser enî ya te
Ez dixwînim
Lê her ku nêzîkî te dibim
Navbera me
Timî dîwar .. timî dîwar …
Banga te
Bêhna payîzê ye
Xwîna pezkovî yan
Di hinav min de har dike
Û ji ser û pa
Ez dibim pêyî yeke ar …
Xanim …!!
Banga te
Bangeke dêrîne
Banga Binevşa narîn
Li guhê Cembelî
Xweş awazek şêrîne …
Sîmfonî yeke bijarte
Bi tilî yên agirî
Li dilê min di jenîne …
Keçê …!!
Tu zevî yek buharat û pûngêye
Yan qereçî yek Hindê ye …?
Axx ..çavên tenî qereçîkî
Du derya yên bê binîne ..
Kelek û kiştî yê min
Li perava
Berî bighêjin kûr-ava
Disotîne ….
Canim …!!
Banga te
Ne wekî banga ye
Mêyîna mêya
Hemî di dengê te de civîyaye …
Ey banga agir û avê
Tu him perî ye
Him ejdeha ye …
Ji wê payîza min te nasî
Dilê min di sotîgeha te de
Sema dike
Û ava helbestan
Ne dikarin vî arî vemrînin
Ne jî min ji evîna te dişon
Pênûs di pesnê te de
Naweste
Û dilê xembar
Ji vemana tavî yên te
Di nav badlîzokan de
Winda ye … berba ye ….
