Mehmûd Badilî
Hîna li cihê xwe ye
ew darika miradan
û rê jî hîna di ber re dere
Ew terîşê sor yêku me bi hev re
bi şaxekê ve girêda
hîna li ber bayê li badibe
bi rêbiwaran re dikene
dilê kesên bê hêvî direvîne
û evîndarên dilmayî gurêxî raperînê dike
Hîna ew terîş ne riziya ye
û hîna li ser wê xwêdana destên me tere
Li hêlek darê zeviyek genime
Li hêla din zevîyek pembo ye
Li wê toprexê erdekî bor heye
çend kevirên sêwê di rengê gorekê de
û gulek sor î tenha weku bi xwîna sîperekî tê avdan tim bêhna wê lidare
Hîna dara me ya miradan li cihê xwe ye
û bi xwestekan xemilandiye
Hîna em pala xwe didin qurmê wê
û xwe bi siya wê dinixumînin
û giyanê wî sîperê evîndar
li ser me difire.
27.03.19
Şîrove (0)