Şêx Alî û Newroz

Akif Hesen
„Sekreterê Partiya Yekîtîya Demokrat a Kurdên Sûriyê“
Min
daxûyaniya birêz Şêx Alî di derbarê Newroza îsal de xwend. Gelek xerîb û ecêb e!! Tu dibêjî qey birêz
sekreter li gundekî şirnexê, an jî li deşta Silopî dijî. Nivîsgehên partiyên
siyasî tên şewitandin, li ser dîwarên wan gotina „Îxanet“ tê nivîsandin, kadroyên
wan tên revandin û di dawiyê de cejna me ya netewî Newroz, bi hinceta
ewlekariyê, tê qedexekirin û birêz sekreter bêrê xwe dide Erdogan.
Ew di daxûyaniya xwe de gotinekê tenê jî liser van kiriyarên kirêt nabêje, êrîşî Erdogan dike û tenê liser Şingalê diaxive.
Ji xwe ev ji me kêm bû! Kekê sekreter, tu dikarî pirtûkan liser Dîktaturiyeta Erdogan binivîsî, kesek nabêje te na, lê belê derdên me bixwe jî hene, ka tu ji bo wan çi dibêjî?
Tu dikarî tonek kevir li rûyê Başûrê Kurdistanê bidî, te xwest bila 2 ton bin, lê belê bihêle em 2 gotinan liser kiriyarên PYDê jî ji devê te bibihîzin.
Kurtikreşên Mossulînî, kesên rûnixumandî, li kolanên Dêrikê, Qamişlo û Girkê Legê devê rikberan digirin, wan davêjin zindanan, mafên wan ên rewa di bin pehniyên solên xwe de dikin toz-û-dûman, gelo tiştekî tu ji wan re bêjî tune ye?
Gelo tu bawer dikî ku tu wisa avê bi agir de dikî û yên rexneyan dikin zeytê diberdin ser agir? Heger bê-rexnekirin aşîtî be, heger rexne fitne be, soz em devê xwe digirin û nema gotinekê dibêjin.
Bawer bike sekreterê delal, bi şêweyên totalîter miradê gelan bi cih nayê. Û bawer bike piştgiriya bê sînor ji hêzên totalîter re nabe „ava liser agir“, Fitnê venamirîne, hebe hebe geştir dike.

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Weke her car Jan Dost dilê me li xwendinê vedike. Werine baxê Romana wî ya nû.

Şahşopa Jan Dost: nêrîneke Wêjeyî li ser Şer û mitaleyên serkirdeyekî

Romana Jan Dost * Şerê General yê Dawî* berhemeke bihêz e ku bi kûrahiyeke balkêş…

Şîlan Doskî

Helbesta Çima! ya Nivîskar Ezîz Xemcivîn wekî pirsgeha xwedî hest û dîmen, di nava wêjeya kurdî de derdikeve. Ew pirsên ku helbest dikare ji xwe bike: “Çima ez hîn jî hebûm?” û “Çima jiyan bi awayekî tê girtin, lê divê ez bimirim?” Helbest wekî tîrêj di deriyê xewnan, hest û…

Ezîz Xemcivîn

 

Kesayetiyeka ko pir gotûbêj li ser çê bûne, pir gotegot wek pencereyekê li ber hemû bahozan vekirî be…

Dixwazim çend gotinan ji bo dîrokê derbarê evê kesayetiya Kurdperwer û hezkerê welatê xwe pêşkêş bikim…
Seydayê Tîrêj ji min re got: „di mirina Xweda ji wî razî be têkoşer Hecî Mihemedê…

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…