Konê ReşHo bajarê Qamişlo.. Xelkên Qamişlo.. Bihara Qamişlo.. Azadiya Qamişlo..! Sibe 22ê nîsanê ye, cejna rojnamegeriya Kurdî ye.. 115 saliya derçûna rojnameya dayik (KURDISTAN)e.. Cejna ziman û peyva kurdî ye..
Bajarê Qamişlo! Were em di vê azadiyê de silavê li giyanê wan pêşengan bikin, ewên ku bingeh danîn û ev roj nedîtin.. Were em silavê li canê mîr Miqdad Medhet û Abdulrehman Bedirxan bikin, yên ku çira ronahiyê li pêşiya me vêxistin..
Welatîno werin! Em silavê li canê Mîr Celadet, Dr. Kamîran Bedirxan, Dr. Nûreddîn Zaza, Cegerxwîn, Osman Sebrî, Hesen Hişyar, Mele Ehmedê Namî, Tîrêj, Keleş, Bêbihar, Omerê Lalê, Mele Nûriyê Hesarî, Palo, Mihemedê Mele Ehmed, Rezoyê Osê, Rêwî, Ferhadê Çelebî û tev rewşenbîrên ku xwe di ber peyva kurdî de westandine, bikin.. Gul û kulîlkên vê bihara rengîn li ser gorên wan deynin..
Werin em neferetê li wan şofîniyan bibarînin, ewên ku digotin; Em ê erebûna Cizîrê lê vegerînin.. Va îro, Kurdîbûna wê lê vegeriya ye.. Erê lêvegerya ye û Ala Kurdistanê di asmanê Qamişlo, Dêrikê, Rimêlan, Amûdê, Derbasiyê û Serê Kaniyê de bilind xuya dike û bi ba re dilîze.. Wêneyê Osman Sebrî di qada bi navê wî de, li bajarê Qamişlo bersiva xelkê dide û dibêje:
Xwe danînim ber sîtem û zorê
Divê serbilind ez biçim gorê
Gava bi rûmet biçim goristan
Hêjaye bibim lawê Kurdistan.
Mihemed Şêxo bi dengê xwe yê xemgîn distirê: Azad e şêrîn..
Cegerxwîn pesnê xwe dide:
Kîme ez!
Ez im rojhilat
Tev birc û kelat
Tev bajar û gund
Tev zinar û lat
….
Bejin bilindim
Wek dêw bilindim
Ez dest dirêjim
Serbest dibêjim
Dixwazim bi lez
Gavan bavêjim
Kîme ez.. kîme ez..
Îro roj, di bajarên rojava de, ji çep û rast ve korsên zimanê kurdî têne dan.. Xortên me ji nû ve bi dûv navê Mîr Celadet Bedirxan, Cegerxwîn, Mûsa Anter, Edîb Karahan, Nûrî Dersimî, Memdûh Selîn, Hemze begê Muksî dibezin.. Li huner û şanên wan digerin..
Ew heyamê ku qedexe bû, em li strana (Gulê mehrûmê gulê.. çiya bilinde gulê.. berfê lêkir..) guhdarî bikin, barkir û çû.. Nema vedigere.. Ew salên ku Osman Sebrî 12 caran, di wan de hat zindankirin, barkirin.. Erê, wek ku kurdan gotiy: Giha di bin keviran de namîne û hem jî gotine: Dinya siya darê ye..
Erê erê.. were Qamişlo were, were em sed û pazde saliya cejna rojnamegeriya kurdî li rojnamevanên Kurdistanê, li hezkerên peyva kurdî pîroz bikin.
Werin em neferetê li wan şofîniyan bibarînin, ewên ku digotin; Em ê erebûna Cizîrê lê vegerînin.. Va îro, Kurdîbûna wê lê vegeriya ye.. Erê lêvegerya ye û Ala Kurdistanê di asmanê Qamişlo, Dêrikê, Rimêlan, Amûdê, Derbasiyê û Serê Kaniyê de bilind xuya dike û bi ba re dilîze.. Wêneyê Osman Sebrî di qada bi navê wî de, li bajarê Qamişlo bersiva xelkê dide û dibêje:
Xwe danînim ber sîtem û zorê
Divê serbilind ez biçim gorê
Gava bi rûmet biçim goristan
Hêjaye bibim lawê Kurdistan.
Mihemed Şêxo bi dengê xwe yê xemgîn distirê: Azad e şêrîn..
Cegerxwîn pesnê xwe dide:
Kîme ez!
Ez im rojhilat
Tev birc û kelat
Tev bajar û gund
Tev zinar û lat
….
Bejin bilindim
Wek dêw bilindim
Ez dest dirêjim
Serbest dibêjim
Dixwazim bi lez
Gavan bavêjim
Kîme ez.. kîme ez..
Îro roj, di bajarên rojava de, ji çep û rast ve korsên zimanê kurdî têne dan.. Xortên me ji nû ve bi dûv navê Mîr Celadet Bedirxan, Cegerxwîn, Mûsa Anter, Edîb Karahan, Nûrî Dersimî, Memdûh Selîn, Hemze begê Muksî dibezin.. Li huner û şanên wan digerin..
Ew heyamê ku qedexe bû, em li strana (Gulê mehrûmê gulê.. çiya bilinde gulê.. berfê lêkir..) guhdarî bikin, barkir û çû.. Nema vedigere.. Ew salên ku Osman Sebrî 12 caran, di wan de hat zindankirin, barkirin.. Erê, wek ku kurdan gotiy: Giha di bin keviran de namîne û hem jî gotine: Dinya siya darê ye..
Erê erê.. were Qamişlo were, were em sed û pazde saliya cejna rojnamegeriya kurdî li rojnamevanên Kurdistanê, li hezkerên peyva kurdî pîroz bikin.
Konê Reş
Qamişlo, 21.04.2013
Qamişlo, 21.04.2013
