Ezîz Xemcivîn
Şeveke dirêj e,
li hêviya buhara raketî ,
buhara arsimî û ji hev ketî,
ya ko li ser termê xweşiya xwe mexel e…
Kirasê tîbûna xwe a engirî
li şeva min neke…
Kundê tevna nerînên dizek bifirîne,
ji xewna xwe re asoyeke firehtir bixemilîne…
08.01.2012
Şoreş
Ne şoreş im?
Li keviya bazara xwîna min
silavê bi dolaran dikin…
Ne şoreş û ne şevreş im,
Sînga min sosina birîndar e…
Hilmên bêhêz xwe li bejiya min girtine.
Qeytanên dilreşiya we
li ser dîkê tifingan
kuştara evîna min dirêsin…
09.01.2012
…………….
Photo: Têkoşer Margirêt Corc (Margaret George)
Ezîz Xemcivîn
xemcivin@live.com
