Nisrîn Ehmed
1
Narvîn bû.
Li ser vê xaka dil ziwa…
evînek awarte peydabû.
Berûvajî çîrokên evîniyê…
Dawî despêk bû!.
Peywanên zikreşiyê, serî rakirin.
Ji serdemê ve, li bendî me ne.
Were…
Em demeke nû biaferînin.
Asoyeke li gorî baskên evîna xwe bilind bikin.
2
Evîn e…
Buhişt nameyeke di têlê telefonê re tê.
Ku tu bibûrî…
Buhar wê bi lez li van topraxan
Xemla xwe deyne.
Di dîdara te de, reng bê wate dimînin.
Dema dengê te tê…
cêwiyê êşê tê.
Roj teng dibin.
Asîman bêriyê dibarîne.
Gul diçilmisin.
tariya dûriya te bê sitêr û heyv e.
rê ne xuyaye.
bimîne…
ne çe…
nerîneke sar,
gerdûnek evîn dişewitîne.
çûna bê wate,
hêviyan serjêdike.
bimîne…
ne çe…
ne çe.
Evîn e…
Buhişt nameyeke di têlê telefonê re tê.
Ku tu bibûrî…
Buhar wê bi lez li van topraxan
Xemla xwe deyne.
Di dîdara te de, reng bê wate dimînin.
Dema dengê te tê…
cêwiyê êşê tê.
Roj teng dibin.
Asîman bêriyê dibarîne.
Gul diçilmisin.
tariya dûriya te bê sitêr û heyv e.
rê ne xuyaye.
bimîne…
ne çe…
nerîneke sar,
gerdûnek evîn dişewitîne.
çûna bê wate,
hêviyan serjêdike.
bimîne…
ne çe…
ne çe.
Şîrove (0)