Serexoşî bi boneya koçkirina medyakara Kurd Lanaz Kurdo
Di du rojan de, me du medyakarên hêja ji dest dan, doh Helkewt Ezîz, û îro Lanaz Kurdo, em wek Yekîtiya Giştî ya Nivîskar û Rojnamevanên Kurd li Sûriye bi dilekî pir bi xem û kovan serexoşiyê pêşkêşî malbata Xwedê jê xweş Lanaz dikin, herweha pêşkêşî hemû kes û karên wê, hemû medyakar û Rojnamevanên kurd dikin, ji dest dana van medyakarên hêja ziyaneke mezin digihîne medya Kurdî, û bandoreke neyînî li ser ragihand û Rojnamevaniya Kurdî çêdike .
Careke din ji dil û can pirs û serexoşiyê ji malbat û heval û hevkarên Lanaz Kurdo û hemû rojnamevaên Kurd re, li seranserî Kurdistanê, pêşkêş dikin, giyanê wê şad be, cihê wê buhişta rengîn be .
Komîteya Birêvrbir ya Yekîtiya Giştî ya Nivîskar û Rojnamevanên Kurd li Sûriye
09.06.2026
=============
Birêz Ako Mihemed berpirsê tora Medyayî Rûdaw
Birêzan hemû karmendên tora Medyayî Rûdaw, û hemû heval û kes û karên Xwedê jê xweş peyamnêrê Rûdaw Helkewt Ezîz
Bi dilekî gelekî xemgîn û bi pejar, me nûçeya koçkirina dawî ya medyakarê jîr û jêhatî, çalak û gelekî pîşeger Helkewt Ezîz, bihîst, bi koçkirina vî medyakarê hêja, ne tenê tora medyayî Rûdaw, lê hemû gelê me, û hemû medyakar û Rojnamevanên kurd, peymnêr û rojnamevanekî lêhatî, têgehiştî, mandûnenas û xemxurî gel û welatê, winda kirin xwe .
Ême weke Yekîtiya Giştî ya Nivîskar û Rojnamevanên kurd li Sûriye hevbeş û hemparê êş û xema we hemyan dibînin .
Silav li giyanê pakê Helkewt Ezîz, bera giyanê wî şad be, cihê wî buhişta rengîn be, serê we hemyan û serê hemû medyakar û rojnamevanên seranserê Kurdistanê xweş bin.
Komîteya Birêvrbir ya Yekîtiya Giştî ya Nivîskar û Rojnamevanên kurd li Sûriye .
08.06.2026 .
