Mahmod Oso
_Hey hey daya min, daya Kurd,
Hêza te ji çiyayan mezintir e,
Bi ked û evînê tu dinyayê didî rê,
Navê te di dilê me de zindî ye._
Berî rojê radibî, agir didî tandirê,
Nanê germ çêdikî, bêhna wê diçe gundê tev.
Destên te di erdê de, dilê te li ser zarokan,
Tu diçî bi mêrê xwe re, li ber germa rojê.
_Hey hey daya min, daya Kurd,
Hêza te ji çiyayan mezintir e…_
Li civatê gotina te giran e, nayê şikandin,
Raya te dibe rê, mêrê Kurd rêz lê digire.
Tu ne xizmetkar î, ne girtî di çar dîwaran de,
Tu dayîka neteweyê yî, tu taca malê yî.
Gava dijmin hat, tu bêdeng nema,
Kevir hilda destê te, ji bo parastina axê.
Zarokên te perwerde kirin bi evîna welêt,
Da ku sibe bi serbilindî bêjin: “Em Kurd in!”
_Hey hey daya min, daya Kurd,
Hêza te ji çiyayan mezintir e,
Bi ked û evînê tu dinyayê didî rê,
Navê te di dilê me de zindî ye._
Şîrove (0)