Helbesta nexwendî

Firyal Hemîd

Helbesta nexwendî

di mêjûyekî Jibîrkirî de,

Toza li ser xêzên wê,

Ji tirabêlka binê

Lingên hespê demê rehwantir e..

Gunpisîkên Buharê

xwe dinava

tîpên wê de veşartine..

Rewanê wê,

tevlî rengên tabloya

xwezayê dibe..

bi têlên kemana Dilşêd re,

Balêyeke kurdî

li tena xwe digerîne..

bi 35 salya Mozart ve,

radipelike noteyên ciwaniyê

Û

di şikefteke kerr de,

bi Bêthovinî re ,

li zayînê guhdar dike..

Helbesta nexwendî,

li xwe dizîvire

Û

Xwe bi xwe dixwîne.

11.05.2026