Hişyarê Emerê Le,ilê
Buhiştî tu ji bo dilê min jînî
Nêrgiz û sînem û gul û beybûnî
Çi bêjim ez nikarim pesnê te de
Tu elendî ronî û hem mizgînî
Hemî zarav li hemberî te lalin
Tu tacî ser serê min hem evînî
Ji çavê te gelek nama dixwînim
Tu peyama evînêyî tu vînî
Hembêza te ji bo min tac û bexte
Buhişta min tu gulavî tu bînî
Bi şîrê te welatê xwe min naskir
Dibistana resen bo min tu hînî
Ji te fêrî zimanê dayê bome
Tu helbestî bi awazek vejînî
Li hember te dibim zarokê ber şîr
Ji bo min tu buharek her bibînî
Ku rojê sed carî destê te maçkim
Hêjî kême jena dilî tu xwînî
Li hember te ser û bejnê d,çemînim
Ji bo min tu jiyanek nû vejînî
Tu pîrozî hemî roj bo te cejnin
Perîzade tu peyam û mizgînî
Ger dengê te nekim herdem melûlim
Bi dengê te geşim dayê şêrînî
Dayîk jînin ji bo mala sitûnin
Ji bo min melhema êş û birînî
Tu sêwan û avahiya malêyî
Tu zer tacî ser serê me dimînî
Keç û lawên te rêzdar û ciwanin
Hemî qencin berhemê wan dibînî
Diya Dilber Canê Peyman û Behya
Dayka Dilman , Bêrîvan û Gulçînî
Dayka Simko Hişyar û dayka Mêvan
Diya Kadar ya Vîndar û Civînî
Elmanya 24/3/2020
