Hişyarê Emerê Le`lê
Periya dil ciwanek bê hemberî
Te ez kirme nav pizotên agirî
Bêriya te her di dilde dikelê
Hest û canê min li ser te dan girî
Xewna te ez jê şiyar nabim ticar
Te xeyalên asoyên min tev birî
Dil bi deştêve bi tîra te vegirit
Her li ser hespê evînê serwerî
Dar û zevyê dil û hesta avdidî
Her bi hezkirnê te canî geşkirî
Girnijîna te gulê min geşkirin
Wek bihara ji wan lêvên şekirî
Pir xweşe jîn nav dil û cergê te de
Gel tebim her nav buhiştê de perî
Xwe veşêrim hundurê çavê te de
Mijankê xwe bi ser min de bigirî
Da vehesim di nav jîna tu têde
Gel tebim ez bi hestê xwe l,herderî
Tariya dil bi evinê te ronkir
Jîna min te bi hestave nûkirî.
