Mihemed Ebdê
Kê gotiye dil ji evînê tenê re dijene?
Payebûn ji kesên mezin tenê re ye!
Kê gotiye ku nav û dengê serkirde, û serokan tenê di dîrokê de tê nivîsandin?
Kê gotiye…
Berxwedan ji şervan û pêşmergeyan di qadên şer de tenê bi çekan tê xuyakirin..
Kê gotiye
Ku navê qehreman û navdaran tenê li kolan û bajaran tên kirin.
Kê gotiye
Hêza zarokan bi tirsê tê şikandin
Mirîdê Me..
Te hest û nest û henas ji xewnên bê hêvî di landika kolanê xwepêşendanan de, bi ala xwe şiyarkirin.
Mirêdê Me
Bi meşa te re
Tirsê di bin pêlava te de xwe xûz dikir.
Di gorna tirsonek, û newêrekan de bin gor dibû.
Mirêdê Me
Moral bi mijoka te re bi hêsir û fêrmêskên şahiya azadiyê re, ken e.
Mirêdê Me
Peyama te, hestên netewî mirî di gornan de şiyarkirin
Xewnên û pilanên neyaran bi yekrêziyê têk birin
Mirîdê Me
Ji bo te …
Hemî dayikên bê dûnde bi zarok bûn bi hêza te
Û hemû kolanan xwestin navê te li xwe bikin
Mirîdê me
Mirîdê min
Here ber bi kurdistaneke azad ve here
Zarokan fêrî hiskirina kurdistanê bi ke bi xwe re
Helal be şêrê dê û bavê te ji te re.
