Pênûsa min

Narîn Omer

Roja zimanê kurdî bi helbestên zarokan gulgulî dibe
Pênûsa min heval e
         weke find û şemal e
Riya min ronî dike
         reştariyê dimale

Tênûsa min xemlîn e
           ji bêje û peyvîn e
Ew e dilê ramanan
            jiyane him vejîn e

Bi Pirtûkê hişmend im
            Zîrek im dewlemend im
Dighêjim asta bilind
             weke heyv û elend im

Mamoste pir rêzdar in
              em gul in ew in dar in
Dana wan bê hempa ye
              ji wan em sipasdar in

Bi tîpên zîv û zêrîn
            bi sozên bi vên û vîn
Em zîrek û zana bin
             bijî xwendin û zanîn

Ev helbesta zarokan ji pirtûka “kenê Şanya” ye