Hevpeyvîn Hozan Emîn – Em bi xêr hatina te dikin . û di derbarê hatina te ya kurdistanê tu kare çi ji mere bêje …?
-Ez li ser daxwaza Dezgeha Sema û Vîn TV hatime Hêrêma Kurdistanê , ji bo pêkanîna hin karên hunerî di gel Vîn Tv .
Ez dixwazim li vir destnîşan bikim ku Dezgeha sema û bi taybet rêvebirê wê Hecî Arif Remezan gelek Alîkariya min kirin ta ez gihiştim vê Astê . ev hatina min jî bi hevkarya Sema ye , gelek xizmet û hemîkarê hatina me wî pêk anî , û li ser sînorê Ibrahî El-xelîl jî ji aliyê wî û rêvebirê Vîn Tv de em hatin pêşwazî kirin , ez gelk şa bûm ku evqa giringî dan hatina min .
-Rola Dezgeha Sema di ware pêşxistin û alikariyê bi tere çiye …?
-Bi rastî ez dibînim ku ev Derketina min bi vî awayê xurt ji ber piştgiriya Dezgeha sema ye . Dema ez hatim vexwendin ji aliyê Dezgeha Sema li Dubey , bo beşdarî Ahenga Newroza 2007 an Li Dubey bibim . ew Newroza Ku di bin çavdêriya Revenda Kurd li Imarata Erebî û Dezgeha Sema hat li darxistin . bi rastî beşdarbûna min di wê Ahengê de bû sedemê geşbûna Stêra min .
-Hatina te ya Herêma Kurdistana Azad ku yekem care te çi Hest kir …?
-Bi rastî ez nikarim hestê xwe bînim ziman ji ber ez bi hesreta dîtina Axa kurdistana Rizgarkirî bûm , ev xewna min bû ku ez rojekê ji rojan werim vêderê û li bajar û gundên Kurdistanê bigerim . çi Duhok ..Suleymaniyê ..yan Hewlêr , min dixwest ez bibînim û va ew xewna min bi çîh bû , niha ez li Duhokê me û ezê herim Hewlêr û suleymaniyê jî bibînim .
-We Konsertek li Bajarê Duhokê li Darxist gelo ew Konsert çawa bû ..?
-Belê min li gel Hunermend Abdulqehar Zaxoyî ew Konsert li darxist bê goman ew konsert di bin çavdêriya Vîn TV de bû .. cihê şnaziyê ye liba min û gelek kêfa min xweşkir wexta min dît ku li tevayî Kurdistanê û bi taybetî li Duhokê Cemawerê min heye û min nas dikin û bi germî pêşwaziya min dike .
-Me bihîst ku te li gel Vîn TV girêbest imze kiriye gelo çi xalên wê girêbestê ne …?
–Belê raste min Girêbest imze kir bi Vîn TV re . û li ser Du salan emê pêkve kar bikin . û wê pirojeya me ya yekem piştî şeş meha dest pê bike .
Ew jî Amadekirina CD ya min ya diweme ., ev CD wê hemî mesrefa wê . Vîn TV bide û çi karê di derbarê wê de wê ew pê rabin û her weha wê çend Stran werin Hilbijartin û wê bi şêweyê Kilîpa werin Tomarkirin . ez dixwazim bêjim ku ev Girêbest li ser razîbûna me herdû aliya çêbû , pir bi hesanî û nermî û bê mercên Zehmet me li hev kir û li vir ez gelek Sipasiya rêvebirê Vîn Tv dikim rêzdar Kawa rêkanî û her weha karmendên Vîn TV bi rastî gelek Hêjane û xizmeteke Baş dikin ..
– li gora dîtina te gelo wê Vîn TV çi li ser Televizyona Kurda Zêde bike..?
-Bi rastî wek min dît ku Vîn TV pir Alîkariya Hunermendên kurd dike û bercewendiyê hunermenda diparêze bêtir ji ya xwe . mebesta wan tenê ewe ku huner û hunermendên kurd pêş bikevin û ev jî cihê sipasiyê û destxweşyê ye .
– Em te sipas dikin û tu çi dixwaze di dawîya vê hevpeyvînê de bêje keremke …?
-di dawî de ez dîsa sipasiya Semakurd dikim û dîsa ez dibêjim Alîkariya min gelek kir û ez dame naskirin û navdarkirim . her weha Malpera Semakurd jî bi wê role rabû ji ber Malpera we Semakurd gelekî tê şopandin li Rojavayê Kurdistanê ( Sûrî)
