Seydayê Mela Mistefa kesayetiyek niştimanperwer û Kurdistanî bû, naskirî bû, ew li gel Barzaniyê nemir bi pêşmergeyan re jiyaye û li gel wan kar û xebata niştimanperwerî kiriye. Her wisa wî li gel Dr. Nafiz Bêk, Nûredîn Zaza, Celadet Bedirxan û Mela Mihemedê Mela Reşîd û hin din gavên pêşîn ên ji bo bidestxistina mafên kurdan avêtine.
Li salên destpêka damezirandina yekemîn partî li rojavayê Kurdistanê ew bibû endamê Partiya Demuqrat li Sûriyê, ji ber wê jî gelek caran hatiye girtin û işkencekirin. Ji aliyekî din ve navekî wî yê mezin di salên 1970 yî de ji ber çalakiyên wî yên ber bi çav, hebûn.
Seydayê Mela Mistefayê Mela Îsa yê ku di şemiya 25.02.2012an de koça dawî li Qamişlo kir, mirovekî hezkirî û têkilxweş bû, her wisa şahidê dîroka şoreş û xebata niştimanperweriyê bû.
Dubare em bi navê Hevbenda Nivîskar û Rojnamevanên Kurd li Sûriyê û bi navê hemû endaman sersaxiyên xwe yên germ pêşkêşî gelê kurd û malbata nemir dikin, û dibêjin: bila serê we, serê me û serê gelê kurd sax be, û ji xwedayê dilovan rica dikin ku cihê wî bihuşta rengîn be.
Xweda wî bi dilovaniya xwe şa bike.
28/02/2012
Hevbenda Nivîskar û Rojnamevanên Kurd li Sûriyê
hevbend.nrks@gmail.com
