Êş û xemgîniyeke zor dilê me girt, dema me saloxa koçbûna hevalê xwe yê helbestvan Arşevê Oskan bihîst.
lê ne nuha, bihêle ez vê helbestê jî binivsînim, li cihê xwe be, divê ku ez vê romanê jî bi dawî bikim, were mirinê were bi min re bixwe û vexwe, lê divê ku tu zanibî, gelek helbest û nivîs hîna li hêviya minin.
wisa helbestvanê me, jiyana xwe dibûrand, gelekî ji jiyanê hezdikir, û ji ber vê hezkirina wî yî mezin ji jiyanê re herdem mirin ji kêferata wî vediciniqî, lê li kêleka wî dima rûniştî, ta vê rojê.. roja yekşemê 25-11-2012 li bajarê Hamborg li Almaniya, helbestvanê me lîska xwe bi dawî kir, û ji mirinê re, li ser pela mirina xwe emze kir…
Em, Yekîtiya Nivîskarên Kurd li bajarê Hesekê, sersaxiyê bo xwe û bo hemî nivîskar û helbestvanên kurd û bo malbata wî û miletê kurd bi tevayî dixwazin, bihuşt bo hevalê me yê nivîskar û hedan û aramî bo mal û malbata wî û miletê kurd bi tevayî.
Hesekê 27/11/2012
Yekîtiya Nivîskarên Kurd li bajarê Hesekê
Şîrove (0)