Civîn

Reşad Şeref

Partizanên nuh yên li tevlî partiya ( …) bûyîn, mereqdarbûn, ko bi sekretêrê partiya xwere bicivin. Berpirsê komikê, malek li tenişta goristanê de kifşkir.
Goristan, dikeve nîveke bajêr de. Dîwarê goristan ê ne bilindbû, merovê ne gelekî kinbûya, dikarîbû bi hesanî kêlên tirba bibûne. Di şevên tarî de, dema tu di wê navçeyê re biçûya, çavên te bi wî dîwarê bi kevirên reş lêkirî û kêlên sipî biketa.!.

wê pora serê te rabûya û tirsekî xwe berdana laşê te.
Neyse, çira berpirsê komika partizanên nû dixwest civînê li wir be?
Belko, ji ber bêdengiya wê derê, yan çavên parastina ewlekariya dewletê li wir kêmbû, yan jî jiber tiştin din !
Pêşî, sekretêrê partiyê gihişt wî cihî. Paşê endamên komîteyê mîna diza, yeko yeko hatin. Jiboyî wan gêncan, rojekî bê hempa bû
Sosên aza, bi xwîn, bi can, hinartin sekretêr û partiya xwe.
 Civîn tewaw bû, mereqa wan bi cî hat. Hemî bihevre derketin. Tenê di wê derengî û kerbûba şevê de, kêvroşkek kedî ya wan cîranê li dora goristanê, ji xwere di çêrî. Ne xema wê miriyên goristanê bû, ne jî biryarên çilvilî yên partizanên gênc . xurme xurma wê bû giya dixwar. Dema çavên partîzanan pê ket, xwe li dora wê dane hev. Rebenê nema zanîbû wê bi kûre bireve, hema di cihê xwe de ma û ne livî, weko yek, xwe bispêre qedera xwe.
Sekretêr got: Hevalno, şûşeyek mey jî bînin goştê kêvroşka pir xweşe.
Swêsra 29.12.2013