Îro êvarî, li bajarê qamişlo , dilê nivîskarê mezin Mihemedê Seyid Husên rawestiy, piştî ko demeke dirêj bi êşa vîrosa Korona re bûrand, wî bi karê nivîsandinê, bi gelek berhemên xwe ên çapkirî, ko di van bîst salên dawî de hatibûn belavkirin, pirtûkxaneyek zengîn li dû xwe hiştiye, ew berhemên wî ko bi zimanê Kurdî nivîsandibûn, ew weke nivîskarekî jêhatî dabûn xuyakirin, ji ber ko zimanê wî yê nivîsandinê xurt bû, ferhenga wî berfireh bû, rewşenbîriya wî kûr û têr û tije bû …
Koça dawî ya dostê me Mihemedê Seyid Husên, ji bo me, ziyaneke mezin bû, me di rojnameya Pênûsa Nû de, dosiyek bi zimanê Kurdî û Erebî, li ser ezmûna wî ya nivîsandinê belavkiribû, mane ew yek ji rewşenbîrên me ên xwedî nêrîna kûr û mêrane bû, û herdem rastgo bû …
Bi xatirê te bavê Reşîd…
Bera serê malbata te, mal û merivên te, dost û hezkiriyên te xweş bin…
Yekîtiya Giştî ya Nivîskar û Rojnamevanên kurd li Sûriye
11.02.2022 .
