Konferensa bijîkên kurd

Li roja roxandina rêjîma Sedam Husên de, li 9.04.2011, bijîjk ên kurd li Elmaniya konferensa xwe ya 31an li bajarê Hannoverê li dar xistin.

Ji bilî wan, rêvebira hicra bizîşkên iyaleta Nîedersachsen û seroka şaredariya bajarê Hannover xanim Ingrid Lange jî beşdariyî vekirina konferensê bû û peyva bixêrhatinê ya bajarê Hannover pêşkêşî beşdaran kir û hêviya serketinê bo konferensî xwest û soz da,piştî wêneyên ciwan yên suruşta Kurdistanê dîtî, ku ew seredana Kurdistanê biket. Her wisa jî, behsê girêdanekê di navbera bajarê Hannover, Amedê kir û amanc bi hindê kir, ku Duhokê jî di gel Hannover çend hingav avêtine.

Li vekirina konferensê, ku li bajarê Hannover, li xwaringeha perlemana Niedersachsen, li dar ket, Prof. Dr. H. Bektaş roja Konferensê bixarhatina hemî mêvanan kir. Di pey re Dr. R. Fakî, serokê komela bijîjkên kurd li Elmaniya axaftina vekirina Konferens da.
Dr. Abdullah Said, rêvebirê tendurustiya parêzgeha Duhokê axaftinek kir û di axaftina xwe de, spasiya komela bizîşk ên kurd li Elmaniya bo vê vexwendinê kir û hêvî kir, ku têkilî di nav bizîşk ên kurd li her cihekî lê bin, bi hêz bibe. Dr. Said amac bi wê hindê kir, ku dê rojên tendurustiya Mezopotamiya yê 3 li bajarê Duhokê pêk bêt û spasiya parêzgerê Duhokê rêzdar Temer Remazan kir, ku ew her dem yê piştevan e, bo kar, çalakî û bizavên wisa. Her wisa jî di axaftina xwe ya diwê de, li ser amadeyiyên parêzgeha Duhokê bo li darxistina rojên tendurustiya Mezopotamiya kir, ku dê 28,29.10.2011 pêk bên.
Seroka hicra bizîşkan ya Hannoverê amadebûna xwe dan, ku ew bo her têkiliyekê amade ne.
Nûner ên komeleyên bizîşkan, Wan, Swêd û Ingiltera jî axaftin di derbarê komele û karên xwe pêşkêş kirin.

Tişta balkêş di vî konferensê bizîşkan de, ku babetên zanistî yên tendurustiyê ji hêla bizîşk ên kurd yên pisporên cuda û li ser gelek waran hatine pêşkêşkirin.
 Konferens wê komîteya xwe ya nû hilbijêre.
Di vî konferensî de, gelek xwendekarên kurd yên temenbiçûk amadebûn û wan jî amadeya xwe diyarkirin, ku piştî xwendbidawîanînê xizmet milet û welatê xwe bikin. Di vê konferensê de, hate pêşniyarkirin, ku organek bizîşkan ya giştî li Europa bête damezirandin û hemî rêxistinên bizîşk ên kurd di bin sîwana vê saziyê de, kar û xebata xwe bikin, têkiliyên xwe û serpêhatiyên xwe yê zanistî bi hev biguherin.