Alan Hemo
Karoj giyakê sêvanî
Biharî hilmî zivistanî dermanî
Giloxetkî heyva li nav ewranî
Bi bişrîn li dil muhir danî
Têlî şaxa li ber gule
Bitinazan ne hişt mejî û ne dile
Hûrik, beytika bask şile
Kenok û xem ji min sile
Henas in, serî bi wan evraz in
Geşjiyaneke şamdilxwaz in
Bê êş û mital lawaz in
Bendemayî her ew niyaz in
Jîr û xwendekar û tiralî…
Mizgîn Hesko
Min ji te re gotibû
Tu…
Ronahiya çavan î
Ma di vê reşahiyê de
Tu dikarî…
Bi destên min bigirî…?
Tu…
Keniya
Li ser lêvan î
Ku lêv zuha bûn
Û di pêlên xeman de
Werbûm
Ma himêza te
Têra gernijîn û giryanê
Bi hev re dike…?
Erê…
Li geştiyekê digerim
Ku min
Ji nav tariyê
Hilgire…!
Rêyên Rawestgehê.
…………………………….
Ey rawestgeha
Ku di landika mijê de
Nixumandî
Ey xunca…
Takîbitenê
Ku hîn…
Di nav şaxên darkoka
Rawestgehê de
Xwe veşartî
Ey rêwiyên
Bilez…